TICs e o Camiño de Santiago

TICs e o Camiño de Santiago son un conxunto de xogos educativos, sinxelos e moi estimulantes concibidos como un método interactivo e progresivo para aprender xogando cuestións xerais e básicas acerca da peregrinación do Camiño de Santiago.

Por niveis, as actividades que o compoñen abranguen un amplo abano de idades que van dende os 7 anos ata a idade adulta. En función da súa idade, os seus coñecementos e os seus intereses e obxectivos, cada usuario avanzará de acordo cun ritmo persoal de aprendizaxe.

Os xogos traballan diferentes aspectos do proceso de aprendizaxe e poden ser agrupados tipoloxicamente nos seguintes grupos:

• Xogos de discriminación visual.
• Xogos de memorización.
• Xogos de recoñecementos de formas.
• Xogos de asociación lóxica.
• Xogos de vocabulario, etc.

A duración de cada un varía en función do ritmo de aprendizaxe e motivación do usuario. Non hai presión de tempo e en calquera momento se pode interromper unha actividade e pasar a outra ou saír definitivamente do xogo.

O obxectivo é que os rapaces se familiaricen con cuestións xerais e básicas acerca da peregrinación, obxectos necesarios e vistas ou monumentos que se ofrecen no Camiño, exercicios sobre gastronomía típica das rexións por onde transcorre o camiño, atavíos característicos do peregrino os seus nomes, etc.

A actividade terá lugar o martes 8 e o xoves 15 de xullo en horario de 19 a 21 h na aula CeMIT de Padrón. A data límite para a inscrición e o 7 de xullo.

Non esperes máis!: Realiza agora mesmo a túa matriculación e inscrición na nosa aplicación on line, pinchando AQUÍ