Rematado, na semana do 17 ao 21 de outubro, o curso sobre navegación web

Coma tódolos meses levouse a cabo, na semana do 17 ao 21 de outubro,  un curso especialmente dirixido a todas aquelas persoas que por unha razón ou outra nunca utilizaron o ordenador e desexan iniciarse no seu manexo. 

Desta volta, dito curso deuse en chamar "¿Qué e iso da Internet?", onde os asistentes tomaron contacto co manexo básico dun ordenador (rato e teclado), inciáronse na navegación na rede, buscaron e seleccionaron información que lles interesaba, crearon e aprenderon a xestionar os opcións fundamentais dunha conta de correo electrónico para comunicarse cos seus amigos, familia, etc e finalmente, realizaron algún que outro trámite electrónico coma: solicitar unha cita no médico, consultar o seu saldo de puntos do carné de conducir na DGT, solicitar un informe de vida laboral, pedir cita para pasala ITV, etc.

En definitiva, tomaron contacto coa rede e viron as vantaxes que pode ter para facer a súa vida un pouco máis cómoda. Así, que che quedaron ganas de seguir aprendendo ou desta volta non puideches asistir ao curso, estate atento a próximas convocatorias.